Sprichwörter

 

 Was a scheener Hafa gwäa isch, siehd mr no a de Scherba.
 
s best Almosa isch des wo oa Beddlr am andere geit.
Oa guadr Dag vergissd nei schleachde Dag.

Wie's Hähla, so's Oa.

S' isch koa Amd, wo mr ned ka d' Hell dra verdeana.

Mr ka ned älle Berg eba macha.

Wenn d' Hos verrissa isch, no flickt mr's mit dr West.

Bessr äbbes als nix, haod der Deifl gsaid on haod Rihrmilch mit dr Heigabl gfressa.

Mr moant oft vo oam, er sei fett, on dabei isch er bloss gschwolla.

Frag me ned, no liag i ned.

Liebr mei z'essa als z'wenig drenka.

Besser als a Maul voll Glufa.

Wer als Kalb en d' Fremde gaod, kommt als Kuah hoam.

Kender on Narra sagad Wohrad.

Märzeschnai on Jungfrepracht daured oft kaum über d' Nacht.

Der erste Honn fangd dr Has.

A kloiner Hafe laufd bal iber.

Des isch ned uff deira Mischde gwasa.

Jedes Häsle fend sei Gräsle.

Der best Bauer zaggert mol a gromme Furch.

A alter Gaul isch au amal a Fille gwäa.

Wäga ma dirra Ast haut mr d' Boom ned om.

Mer muass zum Schmied gau on ned zum Schmiedle

Viel Wässerla gean au an Bach.

Frei de, Girgele, 's kommd a Blatzreaga.

Der Deifl macht bloss da no, wo scho dongd isch.

Mid ma Vergelds Gott kao mr d' Geil ned fuddra.

's Aldr isch a Kraoged, a dere gaosch zgron.

Elend glebd isch emmer no ned gschdorba.

Wenn i morgends mei Hos azoge hau, haun i schau gnug gschaffd.

Wenn mr no reich wäret, arm sen mr glei wieder.

Äschtemirsch du mi, äschtemir i di.
 
Do hod mei Vaddr schau gmiggd on do migg i au, on wenn's dr Buggl nuff gaod.

A alte Kuah schläckd au no gern Salz.

Alte Schuire brenned am leichtesta.

Do isch dr Sagg dr Bendl ned werd.

O, wenn mei Buggl no mei Bauch wär.

Beissa kennt i's no, bloss nemma schlugga.

Lass se no schreia, morga saud a andre Sau d' Gass na.

Heid hau i an schleachda Dag, i muass s' Wasser mid dr Gabl essa.

Häd mr's ned, no däd mr's ned.

Was nützt der Kuah Muskad, wenn se Haberstroh gwehnt isch ?

Vo de z' enge Schuah had der sei raode Nas ned.

Ma lärnd anander erschd kenna, wenn mr aus oaner Schüssel frisst.
 
Wo koi Gläbbr isch, isch ao koi Gsöff.

Essa on Drenka verhält oan, ned 's Schaffa.

's scheest Fett wurd aumal ranzig.

Steig mr doch en'd Dasch !

Dr hod au nemme älle Tassa em Schrank.

A naher Acker on a weite Schwiegermuadr sen viel wert.

s isch no koa Maus onder ma Strauhaufe verstickt.

Bei deam kommed Meis mit verheilte Auga d'Behnesteg ra.

Uff an grober Klotz gheiart au an grober Keil.

Die hen sich gsuchd on gfonna.

Solang mr no sengd, isch d' Kirch ned aus.

Du schwätz raus wie a Mao ohne Kopf.

Da isch au Gottes Armut ema Säckle.

Du schdellsch de a wie dr erschd Mensch.

Bei dem isch Hopfa on Malz verlaure.

Des isch mir wie Spitzgras.

Mer glaubd gar ned, was en oan neigaod, wenns nixs koscht.

Des isch ghopfd wie gschbronga.

Der lest sich au d' Buddr vom Brod nemma.

Wos dr Brauch isch, leid mr mit der Kuah ens Bett.

's Falla isch koa Kunst, aber 's Uffstau.

Wenns uffs Schaffa akommt, wär der Esel reicher wia der Müller.

Vor der Hauzich said mr Mulle, nachher said mr Katz.

Da isch'd Hebamm au nemme Schuld.

En a baar Minute ka mr mai versprecha, als emma ganza Johr halda.

S'frissd koa Bauer ebbes ogsalza on i ned ohne Dreck.

De ganz Woch kraog on am Sonndich ersch koa Leich.

Viel Rutscha macht baise Hosa.

D Gutmitigkei isch a Stick vo dr Liedrigkeit.

Schätza ka fehla.

Zahla macht Frieda.

En ällem isch Betrug, bloss en dr Milch isch Wasser.

Wer lang frogt, gohd lang irr.

An en groba Sack gheiard an grober Bendel.

's Glück isch a Rendvieh und sucht seisgleicha.

Wenn no älle Leid so wäret, wie i sei sodd.

Der isch so arm, dass dr Beddlsack d' Stiag ruffkommt.

Mit de Domme dreibd mr d' Welt om.

Mausdreck isch koa Kemmich. (Kümmel)

Vom Schaffa verregged d' Geil.

"Jeatz gohds voll schnell" had seller Spatz gsaid, wo nen Katz d' Behnestiag nuffhod.

Der siehds dr Kuah am Eider a, was z' Paris d Buddr kost.

Der Hongr treibd Braotwirschd na.

Gang weg on lass mi na!

Ama Arma fehld viel, ama Geiziga älles.

Kerle, du bisch z'domm zom Riabarupfa, wenn mr dirs Kraut end Hand geit.

A Vaddr kao leichdr zeh Kender verhalda, als zeh Kender en Vaddr.

A verschroggener Mao isch em Hemmel ned sicher.

Wenn's dr Goas guat gohd, no schärrd se.

Wenn dr Bettelmao uffs Ross kommt, no reitet er's z' Taod.

Es sucht koaner de andra hendrem Ofa, wenn er ned selber au schau dahendr gsässa isch.

Wie dr Härr, so's Gschärr.

Gegn Daod isch koa Kreitle gwasa.

Mit Gwalt kam mr Beem rausreissa.

Vo de Reiche kao mr 's Spara lerna.

Der isch so arm wie a Kirchamaus.

Ade, Hut, i kauf mr a Kapp.

Des isch a ganz Gscheider, der haierd sogar 's Gras wasa.

Do hilft älles Beta nixs, da ghairad Mischd na.

Do kennt mr uff dr Sau naus.

Wenn dui amal schdirbd, muass mr 'd Gosch exdra z'taod schlaga.

Wer ned will, had ghed on wer ghed had, braucht nigs mei.

Muadr, sperr d' Marie ei, Soldata kommed!

Dir zeige, wo dr Zemmerma 's Loch gmacht had.

I sag dr glei, wo der Bardl d' Mooschd holt.

's wurd schau reacht werda, bis Knepf na kommed.

A Riehle gaohd iber a Briahle.

Der woass schau, wo's warm rauskommt.

Der hod Schulda wie a Seitreiber.

Uff a gwiss Ässa kao mr warta.

Dr oi hebds on dr ander lässd's ned fahra.

Jetz isch aber Hei gnug honna.

Aber do hot Katz lengs gsoacht.

Mit deam ka mr Rieglweed naushaua, na fragd er no, wos bockeld hod.

Gosch ned firsche, no muasch hald hendersche.

Bei dem schaffd bloss dr Mooschd em Kern.

Dui mechd a Gsicht, wie wenn se Spenna gfressa häd.

Schmiera on salba hilfd allenthalben, hilft's net bei de Härra, hilft's halt bei de Kärra.

A blenn Hoa fend au amal an Keern.

Bei de arme Leit muss mr s`kocha lerna, bei de Reiche s`spara.

Gscheite Henna legat au mol neaba s`Nescht.

Wer mi lobt, will ebbes oder hot scho ebbes.

A Weib ka an Ma macha, aber au an Lompa.

S`geit en dr Welt koi besser Deng, als süasse Milch on Wecka dren.

Wer net ge mischtsproate got, därf ao net ge schneida.

Wer uff an Esel gmünzt isch, kommt sei Lebtag net uff an Gaul.

Wenn's uff dui Herra regnat, wird dr Kneacht ao nass.

Geld regiert die Welt on dr Deifl d`Leit.

Fria ens Bett on bald raus, hält dr Doktor fern vom Haus.

Liaber a reichs Beierle als an arma Bauer.

Wo mr Zeig gnug hot, tut mr de Katza Butter uffs Brot.

Der hockt noa, wie wenn'r Zeis brocht hätt.

Der hot Werg om d`Fiass. (Bringt nichts fertig).

Des tät mr naot. (Das habe ich nicht nötig).

Mit am Alta kam mer's Nui erhalta.

A gude Ausred isch an Batza wert.

Bais muass Bais vertreiba.

Berg on Tal kommt net zeme, aber d' Leit.

Em Donkla isch gut monkla.

Doppelgnäht hält besser.

Selberessa macht fett.

A fleissige Muadr ziagd a faule Tochter.

Vor jedem Haus da leit a Stoa, mal isch er graoss, mal isch er kloa.

's wurd net so hoass gessa, wie 's kocht wurd.

Mer muss d' Kirch em Dorf lau.

Lieber a Laus em Kraut als gar koa Floasch.

Wenn d' Maus vool isch, isch 's Meahl bitter.

Jedem Narra gfällt sei Kapp.

I be no nänich gwäa, wo 's schöner isch als uff dere Welt.

Wo nix isch, kao mer nix hola.

A alter Sack isch nemma gut flicka.

Schaffa isch a Gwohnat, an dere muass mer sterba.

Jeder Schlabber fendt sein Dabber.

Mer gaohd zom Schmied on net zom Schmiedle.

's haot älles seine zwua Seita.

Wählet koan so dirra Schultes, sonst miasst ihr 'n fuadra.

Weibersterba koa Verderba, Gäulverrecken des isch a Schregga.

Wüaschd gfahra ist besser als schee gloffa.

Wer zersch kommt, mäht zersch.

Der hot dr Calwerweg naus gmezgad. (Sau nach Calw verkauft)

Dia ald Kuah vergisst, dasse ao a Kalb gwäa isch.

Dr Baur vorschtoht dia Baura bessr als a Dogdor.

Dr Hemml isch oinaweg blao, on wenn dr Maulwurf blenn isch.

Wer en dr Jugend fahrt, muass em Alder laofa.

Wemmer Stiag fäagt, fangt mr oba a.
Letze Änderung Donnerstag, 20 Dezember 2018 21:11
« März  2020 »
MoDiMiDoFrSaSo
 1
2345678
9101112131415
16171819202122
23242526272829
3031 

News

Seite 1 von 2   »

Mär 13, 2020
Kategorie: Neuigkeiten
Erstellt von: SWVG04
Das Heimatmuseum Appeleshof bleibt auf Empfehlung der Behörden zunächst bis Ostern geschlossen.
Mär 12, 2020
Kategorie: Neuigkeiten
Erstellt von: SWVG11
 Bis auf Weiteres fallen alle Termine aus!
Mär 10, 2020
Kategorie: Neuigkeiten
Erstellt von: SWVG11

30.8.-8.9.2020