Kinderreime

 
Herrgottskäferle, fliag,
dei Vadr isch em Kriag,
dei Muddr isch em Pommerland,
Pommerland isch abgebrannt.
Herrgottskäferle, fliag ! 

Vier ganget, vier hangat,
zwoi spitzige, zwoi glitzige,
on oaner zottelt hennadrei.
 
Herrgottsmoggele flieg uff,
flieg mr en de Hemmel nuff,
breng mr a goldigs Schissele ronder
on a goldigs Wickele dronter.
 
Hotte, hotte, Härre, so reited Fräle,
so reited kloane Kend, die no nie grittet sen,
wenn se gresser wachsa, reitet se nach Sachsa.
wenn se gresser werda, reidet se uff Pferda.
Reidet dr Bauer iber de Graba
wenn er naifällt muss er's haba.
Fällt er en die Hecka
fressat ehn die Schnecka.
Fällt er en da tiefa Klai
schreit er laut:O wai ,o wai! 

Der isch ens Wasser gfalla,
der hot en rauszoga,
der hot en hoimtraga,
der hot en ens Bett neiglegt
on des kloa Butzamäggerle hod en wieder uffgweckt. 

Storch, Storch, Schnibel-Schnabel,
mit der langa Haigabel.
Flieg in meiner Ahne Haus,
hol mr a paar Wecka raus.
Mir oin, dir oin
on meiner Muaddr au oin. 

Gaggert der Hahn,
no kriag i an Mann.
Gaggert di Hoa,
no kriag i koan. 

Hotte, hotte, Rössle,
z' Schduagard stohd a Schlössle,
z' Schduagard stohd a Guggahaus,
gugged drei schöne Jungfre raus,
die oa spennd Seide,
die zwoad flicht Weida,
die dridd schneid Haberstrau.
Behid di Godd, mei liebe Frau. 

Die oa spennd Seide,
die ander misst d' Weide,
die dridd macht an raude Rock
für osern liebe Herre-Gott.
(Die drei Jungfern sind die drei Nornen, Göttin der Geburt, Göttin
des Lebens und Göttin der Krankheit und des Todes.) 

Gottliebele, Gottlabela,
was machet deine Ges ?
Se fresset net,
se saufet net.
Was isch denn aber des ? 

Gri, gra, Grottafuass,
d' Ges laufet barfuss. 

Es schneieled, es beieled,
es goht a kalter Wend.
Mädle ziaget Hedschich an,
Buba laufet gschwend. 

's hangd a Kendle a der Wad,
hod a Gaggele en der Had,
mecht's gern essa,
hot koi Messer,
's fälld a Messer vom Hemmel ra,
haud am Kendle 's Ärmle a.
Dapfer ens Balbieres Haus,
s'ischt nämerd dohoam, bloss Katz on Maus.
Katz fäagt aus, Maus traids naus.
Sitzt a Vegele uff am Dach,
hot sich halba s`gropfat glacht. 

Jetz isch's ganga,
sechs hod sieba gfanga. 

Stoa, Boa, Roa,
i woass de Weg alloa. 

Hotta, hotta, Geile,
dr Müller haut sei Säule.
Dr Müller haut sei roade Kua,
Muaddr, lass mi au drzu.
Noa, du derfsch ned drzu,
denn des isch a baise Kua.
 
D' Katz fegt d' Stub aus,
on d' Maus traid dr Dreck naus,
on dr Goggl uff em Dach
dr hod sich gropfich glacht.
 
Hotta, hotta, Edelma,
Katz hot Stiefel a,
reidet übern Bronna,
hod a Kendle gfonna,
wie soll's hoassa ?
Beckle oder Goassa ?
Wer will seine Wendle wäscha ?
D' Kädr mit dr Treschä.
 
Es regneled, es schneieled,
es goad a kihler Weed.
Da said die Frau Basa,
s' Liaga sei a Seed.
 
Es regnalad, es dropfadla,
dia alte Weiber hopfatla.
Se hopfat ei dr Kuche rom
on schmeisset älle Häfa om.
 
Es regnalat,es schneialat,
dia Baura fahrat Mist.
Se hoggat uff dr Waga na
on schreiat hott on hischt.
 
Kamefeger kreideweiss,
had a Säggle voller Leis,
ka's nemma traga,
schmeissd's uff de Waga,
d' Waga, der bricht,
schmeissd er's uff de Mist,
Mist verfault,
schmeissd er's uff an Gaul,
Gaul verreggd,
no schmeissd er's en e Eck.
No kommt s'Bäuerle hennadrai
on haut em ois en d'Anka nai.
 
Mariele, Mareile, was mached deine Gees ?
Se pfludert, se pfludert, on wäsched ihre Schweez.
 
Hoppa, hoppa, Rössle,
droba staod a Schlössle,
droba staod a buggligs Haus,
gugget sieba Mädle raus,
sieba Mädle gugget raus,
henders Hannese Hasehaus.
 
Es regelet, es dropfelet,
älle Weiber hopfelet.
Sie sitzet hendrem Ofa
on flicket alte Hosa.
 
Es, Ce, ha em Schächtele,
mei Muaddr kocht mr Schnitz.
No gang i henders Kächele,
no had se me verwischt.
No hot se me verschlaga
mit Hagebuchareis.
I ka drs gar ned saga,
wie mi mei Buggl beisst.
 
Hopfa zopfa, Stiela macha,
wer's net ka, soll's bleibe lassa.
 
Krab, Krab, dei Häusle brennt,
hocked sieba Jonga drenn.
 
D' Sonn scheint,
s' Vögele kreit, sitzt hendrem Lada,
spennd a Schnipfele Fada,
Geis schreit mäh,
wart, i will dir gä.
 
Heil a bissle, lach a bissle,
morga kommd dei Dede.
Hot a lange Wurst im Säggle
on a zuckrigs Bredle.
 
Schuhmächerles Bua,
haud Nägel en d' Schuh,
had's Lechle verlaora,
muss wieder ois bohra.
Macht .. bohre, bohre, bohr.

Metzger, wetz dei Metzgermesser,
denn du muassd a Säule stecha.
 
Ei, ei, ei on au, au, au
was hosch du meim Kätzle dau ?
Hoor rausgrissa,
d' Stiag nagschmissa,
wart, des soll dei Muaddr wissa !
 
Hoschd Duurschd,
schlupfsch en a Wuurschd.
Hoschd Honger,
schlupfsch en an Guggommer.
 
Achde,
ens Bett mach de.
Neine,
ens Bett eine.
Zehne,
em Bett bene.
 
Heile, heile, Sega,
drei Tag Rega,
drei Tag Schnai,
tut's dem Kendle nemme wai.

Ene, mene, Dendafass,
gang en d' Schual on lerne was.
Wenn du ebbes g`lernet hast,
komm nach Haus und sag mir das.
 
Drei Rosa em Garda,
drei Tanna em Wald,
em Sommer isch's lustig,
em Wender isch's kalt.
 
Hottrotot, hottrotot,
gire, gara, kottrotot.
oas, zwoa, da ville, ville,
va, viele, viele.
Viele, viele, viele da.
Moinscht i ka net 20 zähla,
20 isch schon do.
 
Schneider, Schneider, hopp,hopp,hopp,
mach mir an Rock, Rock, Rock.
Bis i zähl ois, zwoi, drei,
muss des Röckle fertich sei.
No net fertich, no net fertich,
bis am Sonntichobend.
Will mei Muaddr Küchla bacha,
sag i guda Obed.
Guada Obed, Lisebeth,
zeig mir, wo d' Bettlad steht.
Hendrem Ofa, hendrem Eck,
wo d' Katz ihrn Schwanz nausstreckt.

Hoppa, hoppa, Rössle,
z' Schduagard stad a Schlössle,
z' Schduagard stad a goldigs Haus,
guggad drei Maria raus.
Die oi spennd Seide,
die ander kas net leide,
die dritt, die schbennd an raoda Rock
für de liebe Zottelbock.
 
Fuierle, fuierle, brenn,
mir kochad a Henn,
mir kochad an Goggelhahn,
dass er nemme kräha kann.
 
Kender wellat Kerbla flechda,
hend aber koa Holz derzua,
missad sich a Mädle nemma.
Kenig, Kaiser, gang zur Rua,
hochverehrte Erde du,
mach des Kerble weise zua.
 
Sechs mol sechs isch sechsadreissig,
isch dr Lehrer no so fleissig,
sen die Kender no so faul,
wia an alter Sattelgaul.
 
Meine Mu, mei Mu, mei Mutter schickt mi her,
ob dr Ku, ob dr Ku, ob dr Kuchen fertig wär,
wenn er no, wenn er no, wenn er noch fertig wär,
käm ich mo, käm i mo, käm i morgen wieder her.

Henders Hannesa Hasahaus
hangat sieba Hasa raus.
Sieba Hasa hangat raus
henders Hannesa Hasahaus.
 
Hecker, Zigecker
gang iber dr Necker
gang iber dr Rhei
fall mittla drenai.
 
En schena Gruass vo meiner Muaddr
on do haune a Milch,
on mir kennet se net braucha
weil a Maus nei gfalla isch.
 
I sag, Jakob, Benjamin,
hoggat ema Waga dren.
Oaner ziagt, oaner schiabt-
wieviel hogged dren?
 
Isch amol a Male gwä,
hot an hohla Zah g'het.
Soll es nomol saga?

Z'Kalmbach isch a Ma,
der hot an hohla Zah,
dren isch a Päckle Schnupftabak
on a Päckle Rauchtabak-
jetzt fangt dui Gschicht erscht a!
 
Isch amol a Male gwä
ur-ur-alt,
hot a blechas Ärschle g'het
eiszapfakalt!
Letze Änderung Donnerstag, 20 Dezember 2018 21:11
‹ zurück    weiter ›

13 Juli 2020

Gesundheitswanderung

Datum: 13 Juli 2020
mehr »

News

Seite 1 von 2   »

Jul 14, 2020
Kategorie: Neuigkeiten
Erstellt von: SWVG11

Die Preisverleihung war jetzt am 25.Juli in Gemeindehalle.

Ein Bericht und Bilder sehen Sie unter der Rubrik Naturschutz

 

 

Jun 20, 2020
Kategorie: Neuigkeiten
Erstellt von: SWVG11
Einschränkungen werden langsam gelockert !
Mai 13, 2020
Kategorie: Neuigkeiten
Erstellt von: SWVG04
Von außen gut einsehbare Dekoration im Ausstellungsbereich des Appeleshof Heimatmuseums.